Sinopsis
Suburbia Ediciones asoleya'l númberu 16 de la so colección mecánica popular col llibru Un palaciu enllenu ortigues, colección de relatos de Pablo Antón Marín Estrada. Una vegada más Pablo Antón Marín Estrada vuelve a demostrar por qué ye un de los meyores escritores en llingua asturiana d'anguaño. Escritos con procuru y con un especial cuidao pola llingua Un palaciu recorre distintes xeografíes, tanto físiques como mentales que nun van dexar indiferente al llector. Pablo Antón Marín Estrada (Sama, Llangréu, 1966) ye autor de diversos llibros de versos y narrativa. Ganador del Premiu de Novela Xosefa Xovellanos con La ciudá encarnada, el so últimu llibru publicáu ye’l poemariu Despidida (Suburbia Ediciones 2011). “Pañó les monedes mui dignu, igual que lu viera facer enantes nes meses de xunta la nuestra. Diónos les bones nueches y de la qu’enfilaba a la busca de nuevos clientes repitiólo: —Yo en Asturias tengo un palacio... Y ente dientes, ente aquellos dientes, seguramente escasos y podres pola piorrea añadió: —...l.len d’ortigas...”
Más libros del autor
