Sinopsis
Suburbia Ediciones en coedición col Principáu d'Asturies, editen La mio Voz Premiu Xuan María Acebal 2010, de Marta Mori. Marta Mori ye la primer muyer qu'algama esti premiu. La mio Voz ye un poemariu intimista nel que l'autora despliega tola so brillantez poética. Marta Mori naciera en Xixón en 1965. Ta llicenciada en Lliteratura y ye Doctora en Filoloxía Hispánica. Nel añu 2002 ganó'l Premiu “Teodoro Cuesta” de Poesía col poemariu Pórticu, onde s'amuesen poemes de corte intimista y de calter iniciáticu a la vida y poro, a la muerte. Nel 2004 algamó'l mesmu premiu, ex aequo, cola obra El tiempu de la espera, poemariu intimista de calter autobiográficu. Tamién tien publicaos dellos artículos de crítica lliteraria, historia y didáutica, amás de collaborar na Historia de la lliteratura asturiana espublizada pola Academia de la Llingua Asturiana, de la que ye miembru. Como la flecha Como la flecha qu’aguarda en manes del arqueru y toma aire, acolumbrando’l blancu, que tovía se divisa llonxanu y semáu de promeses... Como la flecha que danza vertixinosa nel aire, mientres avanza, sola, impulsada pol deséu... Como la flecha que xifla, como la flecha que cuerre, como la flecha qu’espera. Como la flecha...
Más libros del autor
